Ae Kaash..!!

Ae Kaash mai hwa ka jhoka ik hota..
To teri zulfo ki khushbu ko khud me sma k chalta..
Teri madhoshi me hosh bhula k chalta..
Teri saanso me ho kar rva mai chalta..
Ae kaash ....

Ae kaash mai tera khayaal ek hota..
Tere dil se tere Har kann kann me ja dhalta..
Tere Mann ki gehraaio me ja palta ...
Tere astitv ki parchhaaio me ja dhalta..
Ae kaash ....

Ae kaash mai Tera saaya jo hota..
Tujhse juda ho kar bhi tere sang sang chalta..
Tujh hi se hota shuru aur tujh hi me ja milta..
Teri rooh me basta aur teri muskan se khilta..
Ae kaash .....

Ae kaash mai ye hota..
Ae kaash mai vo hota..
Jo bhi hota , ae kaash tere sang hota..
Ae zindagi tab hi tujh me rang hota..
Khuda tu to hai hi mera..
Ae kaash mai bhi vo hota..
Jo tera hota..
Jo tera hota..

Ik Raat

Ye raat, Teri baat, Bikharne lage phir mere jazbaat...
Sitaaro me khoja phir aks tera,
Teri yaado se phir aaj, hui mulakaat...

Ye raat, Teri baat.. Ye raat, Teri baat....
 
Dard ki sayahi se tha seena bhara..
To Aaj Kaagaz pe utri fir dil ki baat...
Ye raat, Teri baat.. Ye raat, Teri baat....

Neend yu chhod gyi mujhe keh k bewafaa..
K sapno me bhi rehta tha dil tere hi saath...
Ye raat, Teri baat.. Ye raat, Teri baat....

Aaya nazar Har lamha jo tere sang guzra..
Hui aankho se ashko ki fir barsaat...
Ye raat, Teri baat.. Ye raat, Teri baat....

Shuru hua tha Abhi to noor dikhna tera..
K ho gya din, phir dhali ik raat...

Phir dhali ik raat, Bikhra k mere jazbaat..
Ye raat, Teri baat, Bikharne lage phir mere jazbaat...