Bhula Chuka Hu Tujhe..

Han.. Bhula chuka hu tujhe.
Fir bhi sannaate me teri hi awaaz sunaai deti hai...
Tadap uthhta hu ab bhi jab bheed me bas jhalak ik teri hi dikhaai deti hai ...
Aaj bhi , tera naam liye , Har Ik saans jism me aati hai...
Bhool gya hu tujhe par.. Abhi bhi najaane tu kyu yaad aati hai..
Teri baato ki goonj se raunak aaj bhi chehre pe mere aati hai mere..
Bhool gya hu tujhe..
Par aaj bhi  Teri hasi hosh uda le jaati hai mere..
Tadapta nhi hu ab jb bhi saamne tu aati hai... Bhool chuka hu tujhe,
Par tere naam se ab bhi, saans tham si jaati hai..
Chirag khush hai ab tere bina hi ae zindagi..
Bhool chuka hu tujhe...
Par meri rooh ab bhi  tujhe hi bulaati hai..
Shikwa na tab thi na ab hai rab se,
Kyuki bhool chuka hu tujhe..
Par Har dua me yaad ab bhi tu hi aati hai..
Zinda tab bhi tha..  zinda ab bhi hu mai..
Bhool chuka hu tujhe..
Par zindagi ab bhi tujhi me nazar aati hai..
Par .. bhula to chuka hu mai tujhe..
Fir aakhir Kyu tu yaad aati hai.?

To Kya Baat Thi..!?

Zindagi ki kitaab ko kuchh gaur se padha to socha, 
Kuchh aur panno pe hota tera saath..
To kya baat thi..!

Meri kismat k pulindo pe mite labzo ko dekha to socha, 
K kaash pakki syaahi se likha hota tera naam ,
To kya baat thi..! 


Do pal me hi tabaah mera astitv kar gyi..
Kuchh pal aur ruk jaati... 
Toh kya baat thi..!


Meri khaamoshi , meri rooh .. meri yaad me to bas hi gyi,
Gar zindagi me bhi bas jaati, 
To kya baat thi..!


Mohabbat bimari beshak hui mujhe tere naam ki, 
Mareez tu bhi jo mere naam ki ho jaati, 
To kya baat thi...!

Woh baat Jo mere labo pe naa aa saki, 
Wo zehen tere me aa jaati.. 
To kya baat thi.. !


Ae zindagi tu hai kisi aur ki, 
Gar meri ho jaati.. 
To kya baat thi...! 
To kya baat thi.. To kya baat thi.!

Maine Waqt Badalte Dekha Hai

Maine waqt, badalta hua dekha hai,
Khushio ko rotey, ghamo ko hasta dekha hai..
Maine waqt, badalta hua dekha hai,

Kabhi kismat hui sartaj, to rank badshah ho gye,
To kabhi badnaseebiyo ko mukaddar tabaah karta dekha hai
Maine waqt, badalta hua dekha hai,

'Chirag' jalta hai roshan karne ko jaha'n,
To kuchh chiraago se ye Jahaa'n jalta hua dekha hai..
Maine waqt, badalta hua dekha hai,

Khudi ko dekha hai , maine Khuda hote hue,
Aur kabhi khudi ko aazmaate Khuda dekha hai..
Maine waqt, badalta hua dekha hai,

Logo ko dekha hai, kuchh gwa k sab paate hue,
Kisi ko sab gwa k bhi haara hua dekha hai..
Maine waqt, badalta hua dekha hai,

Kyu mayoos hai bande, Muskura zra tu,
Jeevan ko toone ,kabhi ruka hua dekha hai ?
Toone dekha hai raato ko suraj nigalte,
To maine andhero ko subah me simatt-ta hua dekha hai..
Maine waqt, badalta hua dekha hai,

Khushio ko rote, Aur ghamo ko hasta dekha hai..
Maine waqt, badalta hua dekha hai,
Maine waqt, badalta hua dekha hai..

Yaad

Raat.. ye raat... Kaha ko rukh mod jaati hai..

K yaad.. teri yaad.. Mujhe aaj bhi tod jaati hai..

Mai mazboot jitna bhi ban kar rahu,

Mai gam jitne bhi hass kar sahu..

Teri baato ki goonj(echo),

Meri rooh tak jhakjhor jaati hai..

Baat.. teri baat is Chirag ko tod jaati hai..

Na jaane kaisa khanjar ye teri yaad le k aati hai,

K har baar zakhm se, kai, mere dil pe chhod jaati hai ..

Judta hu mushkil se, Tu fir tod jaati hai,

Najaane kyu, teri yaad aati hai..

Toot k bhikar jata hu main raet (sand) ki tarah,

Par ab Sambhal jata hu jab subhaa aati hai..

Mera bass chale to is savere sang hi rishta bana lu..

Par.. savere k baad har roz raat aati hai...

Raat.. ye raat... Kaha ko rukh mod jaati hai..

K yaad.. teri yaad.. Mujhe aaj bhi tod jaati hai..

Tanhaai

Tanhaai... Tanhaai.. Tanhaai..

Aaj fir teri yaad aayi..

Barso se pyasa hu tere pyar ka,

Ab tak sirf dard hi saha hai inteezaar ka..

Ha thodi khushi bhi thi sang aayi..

Par fir reh gayi Tanhai, sirf Tanhai..

Aaj fir teri yaad aayi..

Aaj fir teri yaad aayi..

Na jaane mai kis disha me jar ha hu..

Har jagah manzil tujhe bna rha hu..

Bas ik tera saath hi chaah rha hu..

Isi chaah si hai maine kamaai..

Ye tanhaai..

Aaj fir teri yaad aayi..

Aaj fir teri yaad aayi..

Bada ajab sa kissa yaha chal rha hai,

Is daur me ho kar bhi “CHIRAG” ab tak jal rha hai..

So baar samjhaya, par dil ko samajh fir na aai..

Rota hai , Bikharta hai fir dua karta hai..

Aur milti hai bas..

Tanhaai.. Tanhaai.. Tanhaai...

Aaj fir teri yaad aayi..

Aaj fir teri yaad aayi..

Dil bhar gaya itna ,

ki aaj aankh chhalak aayi..

Nam aankho me.. Bas teri hi thi parchaayi..

Aur saath judi thi..

Tanhaai... Tanhaai.. Tanhaai...

Aakhir Kyu teri yaad aai..?!!

Khilwaad

Ha khilwaad khud roz main apne saaath karta hu,

Teri yaad mein tadapta din raat aanhein bharta hu,

Har baar koshish karta hut u dil se nikal jaae,

Par fir mar kar tujhi se pyaar karta hu,

Ha khilwaad khud roz main apne saaath karta hu...

“Chirag” jalta rehta rehta hai gamgeen muskuraahto k tale,

Teri yaado se mulaakaate share aam karta hu,

Toot jaata hu yaad kar bewafai teri..

Wafa fir bhi, Har pal tere saath karta hu,

Ha khilwaad khud roz main apne saaath karta hu...

TU kehti ha mere geeto me hai bas udaasi chhipi,

Arey mai to dard-e-dil apna byaa karta hu,

Mere rab se mujhe milaane ki,

Tere rab ko bhi, har pal arziya karta hu..

Ha khilwaad khud roz main apne saaath karta hu,

Aa mil ja bas aa mil ja tu,

Saans saans me yahi dua karta hu,

Sab kuchh baaki ho gaya bematlab,

Bas tere liye hi jeeta marta hu,

Yahi khilwaad khud roz main apne saaath karta hu,

Beintehaa tujhse pyaar karta hu...

Ha khilwaad khud roz main apne saaath karta hu...

Doori

Ik meethha sa dard, Ik ajab sa ehsas hai.. 
Door ho jaati hai tu mujhse kyu ?.. Jab lagne lagta hai tu paas hai.. 

Tera diya har zakhm.. Kyu itna khaas hai ? 
K chot kha kar bhi har martaba, mujhe tujhse pyaar ki aas hai.. 
Ik meethha sa dard, Ik ajab sa ehsas hai.. 

Kyu ye tera aks, Dikhta hai har raho me .. ? 
Kyu mai dhoondhu tujhe, Khali apni in baaho me.. ? 
Kyu tera saath hi, lagta itna khaas hai..? 

Ik meethha sa dard, Ik ajab sa ehsas hai.. 
Door ho jaati hai tu mujhse kyu ?.., Jab lagne lagta hai tu paas hai.. 

Har khayaal me tera zikr, ab bas kar k reh gaya 
Mai khud ko bhool, Tera ho k reh gaya.. 
Tu jab yaad na kare, Ho jaata dil ye udaas hai.. 

Ik meethha sa dard, Ik ajab sa ehsas hai.. 
Door ho jaati hai tu mujhse kyu ?.., Jab lagne lagta hai tu paas hai.. 

Tere deedar ko betab, Kan Kan mere astitv ka.. 
Meri rooh pyasi hai peene ko ik bol, tere hothho se ishq ka.. 
Tanha raaho par, Mayoosi se aahein bhar.. Ye dil sun na chahta bas teri ik pukar hai... 

Ik meethha sa dard, Ik ajab sa ehsas hai.. 
Door ho jaati hai tu mujhse kyu ?.., Jab lagne lagta hai tu paas hai..